Aqueth tipe de ressorsas, qui liga concèpter enter eths, qu'ei hèra important tà l'analisi semantica. La sola basa de coneissença pro completa sus la quau l'occitan e's pòt emparar tau moment qu'ei Wikidata, la basa de coneissença liura e collaborativa de la fondacion Wikimedia. Que compta quasi 100 milions de concèptes e aqueths que pòdon aver labèls en occitan.
Causa interessanta, Wikidata que permet d'enregistrar dadas lexicograficas. Que s'i pòden recensar lexèmas qui pòden puish estar religats aus concèptes qui representan. Lo Congrès qu'a aviat un programa tà versar lexèmas occitans a Wikidata, qui poderàn estar ligats aus lors concèptes. Atau, Wikidata que poderà estar utilizada, per exemple, tà har analisi semantica.
