MinT es un sistèma de traduccion automatica albergat per la fondacion Wikimedia. Utiliza mantun modèle neuronal per prepausar de traduccions entre un fòrça grand nombre de lengas, dont l'occitan.

Bastit per l'equipa Lengas de la fondacion, a per tòca primièra d'aumentar lo sistèma de traduccion que permet als contributors dels otisses de Wikimedia de revirar mai aisidament de contengut (per exemple, d'articles de la Wikipèdia).

Utiliza de modèles neuronals de traduccion automatica, publicats en open source per d'autras estructuras, que foguèron entraïnats amb d'articles revirats de la Wikipèdia e amb de còrpus parallèles liures de dreit.

Una version publica d'aquel traductor es estada mesa en linha e la podètz utilizar per revirar de tèxtes entre l'occitan e mantun centenat de lengas. Quitament se la traduccion a pas la qualitat d'un traductor especific a l'occitan, permet als occitanofònes de compréner de tèxtes escriuts dins de lengas que coneisson pas e invèrsament (per exemple, fa accessible a d'anglofònes lo contengut d'un site web en occitan).

La fondacion met tanben a disposicion los « dumps » dels còrpus que permeton d'entraïnar aquel sistèma.