- Details
Dijòus 10 d'octobre, a l'escasença dels encontres del projècte Linguatec IA a Pau, s'inaugurarèt oficialament La Farga numerica, lo portal de las tecnologias de la lenga en occitan editat pel Congrès.
- Details
Minecraft es un jòc video de la mena aventura « bac a sable » qu'es fòrça presat pels adolescents. Es en partida revirat en occitan (lengadocian) mas o es pas qu'a mitat, doncas quand s'i jòga en occitan, i a una part dels messatges que son en anglés. Podètz ajudar a completar la revirada, qu'aver aquel jòc video tot en occitan seriá fòrça bon per la socializacion de la lenga.
- Details
Lo Congrès met a disposicion tres còrpus textuals bilingües e un còrpus audio alinhat qu'a formatats dins l'encastre de son projècte Còrpus : un tirat de las actualitats de son site locongres.org, un tirat de totes los contenguts de sos sites multilingües (interfàcia e articles), un autre eissit de la compilacion de traduccions de logicials liures e enfin, las frasas enregistradas per de locutors variats sus sa plataforma ReVoc.
- Details
Lo grop SoGeL de l'Universitat de Lhèida, Lo Congrès e Col·lectivaT an obèrt, dins l'encastre del projècte Linguatec IA, d'òbras per desvolopar la reconeissença vocala en occitan aranés. Çò mai auràn d'enregistraments de personas diferentas, çò mai l'otis final serà qualitatiu. Fan doncas una crida al monde per enregistrar de frasas, quand seriá pas que qualques unas.
- Details
MinT es un sistèma de traduccion automatica albergat per la fondacion Wikimedia. Utiliza mantun modèle neuronal per prepausar de traduccions entre un fòrça grand nombre de lengas, dont l'occitan.
- Details
Lo projècte Linguatec AI, projècte europèu transfrontalièr qu'es la seguida del primièr projècte Linguatec, s'es aviat al primièr semèstre de 2024. Sa tematica centrala es lo desvolopament de coneissenças en intelligéncia artificiala aplicablas a las lengas pauc dotadas, dels dos costats dels Pirenèus. Un consòrci d'estructuras occitanas, bascas, aragonesas e catalanas i trabalharàn amassa, partejant lors coneissenças e competéncias.
- Details
Juòccitan es un repertòri git per centralizar totas las traduccions de jòcs videos en occitan e per i collaborar. Recensa los supòrts de revirada existents e albèrga los fichièrs pels jòcs qu'an pas encara de supòrt.
- Details
Lo Congrès que hè ua crida a còrpus, mei que mei per las varietats aranesa, auvernhata, lemosina, provençau e vivaro-aupenca de l'occitan. Si avètz tèxtes, matèria audio (transcriuta o pas), vidèos en occitan e qu'ètz proprietari deus dreits, que'us i podetz har passar. Que servirà a entraïnar intelligéncias artificialas entà utís com la reconeishença vocau.
