Trobaretz aquí de mòdes d'emplec e d'astúcias per profitar al maximum de totes los otisses numerics qu'existisson per la lenga occitana.
S'avètz d'idèas o de besonhs de tutorials, esitatz pas a ne nos parlar en nos contactant amb lo boton en bas de pagina.
Cada còp que visitatz un site web, vòstre navigator li envia una lista de paramètres. Un d'eles es vòstra preferéncia lingüistica. Definís, entre autras causas, la lenga dins la quala s'aficharà un site bilingüe. Lo site mejans.fr vos prepausa un otís per verificar la preferéncia lingüistica de Firefox, Chrome e Internet Explorer.
Lo Congrès e la fondacion basca Elhuyar qu'an desvolopat correctors ortografics en occitan (lengadocian e gascon) a partir deus diccionaris deu Dicodòc. Que's pòden installar sus Chrome, Firefox, Thunderbird e LibreOffice. Ací qu'avetz las notícias explicativas entà'us installar.
Se pòt recercar dins lo Dicodòc del Congrès dirèctament a partir de la barra d'adreça de Google Chrome en metent en plaça un acorcit de motor de recèrca. Vos sufirà puèi de picar, per exemple « @ddoc parler » dins la barra d'adreça per recercar lo mot « parler » dins lo Dicodòc.
Lo navigator web Firefox a una version en occitan. La podètz installar per que los menuts e l'intefàcia sián en occitan (mas pas forçadament los sites web que visitatz).
Picar los caractères especifics a l'occitan quand utilizam un clavièr d'ordenador francés es pas totjorn aisit. Per i remediar, podètz installar de disposicions de clavièr especifics (véser la lista). Se aimatz melhor gardar la disposicion classica, vos explicam aquí cossí picar los caractères accentuats e autres caractères especials.
