Avètz un projècte dins lo domeni de l'informatica e de l'occitan ? La Farga es l'otís que vos cal. I trobaretz mantuna ajuda possibla.
Primièr, se vos cal de man d'òbra e que volètz far una crida a la comunautat, ne podèm far lo resson dins nòstra partida « Cridas a contribucions ». Per aquò far, vos cal mandar un corric a en indicant l'objectiu de vòstre projècte e la(s) tasca(s) que volètz fisar a la comunautat. Vos cal plan explicar cossí lo monde pòdon far per contribuir. Es plan d'indicar, tanben, lo temps minimum que pren aquela tasca, lo nivèl d'informatica requesit e lo nivèl de lenga necessari. Se es una varietat especifica de l'occitan qu'es pertocada, o vos can mençonar tanben.
Se cercatz de ressorsas especificas per vòstre projècte, anatz veire del costat de nòstre inventari. I podètz cercar de donadas per entraïnar de modèles de lenga, d'API a disposicion, d'otisses open source...
Se es lo vocabulari tecnic que vos manca, gaitatz nòstra seleccion de lexics de l'informatica. Benlèu i trobaretz çò que vos cal.
Enfin se avètz besonh de conselhs, d'informacions que trobatz pas sul site, esitatz pas a nos rejónher sul Discord de La Farga (ligam d'invitacion : discord.gg/5phjPsD5XA). La comunautat i poirà respondre a totas vòstras questions e cercarem amassa de solucions a vòstres problèmas.
