- Details
Lo Congrès met a disposicion tres còrpus textuals bilingües e un còrpus audio alinhat qu'a formatats dins l'encastre de son projècte Còrpus : un tirat de las actualitats de son site locongres.org, un tirat de totes los contenguts de sos sites multilingües (interfàcia e articles), un autre eissit de la compilacion de traduccions de logicials liures e enfin, las frasas enregistradas per de locutors variats sus sa plataforma ReVoc.
- Details
MinT es un sistèma de traduccion automatica albergat per la fondacion Wikimedia. Utiliza mantun modèle neuronal per prepausar de traduccions entre un fòrça grand nombre de lengas, dont l'occitan.
- Details
Dins sa darrièra actualizacion, lo traductor automatic open source Apertium ajustèt l'occitan gascon dins las varietats suportadas pel parelh occitan-francés. Lo trabalh sus aquela varietat se faguèt dins l'encastre de la bastison del traductor Revirada del Congrès.
- Details
Lo Congrès presentèt lo 14 d'octobre son novèl traductor automatic, Revirada. Fonciona dins los sens occitan-francés e francés-occitan per las varietats gascona e lengadociana. Permet la traduccion de tèxtes, de documents, de paginas web e a tanben una API a disposicion dels desvolopaires.
- Details
Aleksandra Miletic e Yves Scherrer, del departament de las umanitats numericas de l'Universitat d'Helsinki, venon de metre en linha OcWikiDisc, un còrpus monolingüe occitan fargat a partir de las paginas de discussion de la Wikipèdia. Es amb la licéncia CC-BY-SA.
- Details
Lo site mejans.fr met a disposicion un còrpus monolingüe occitan fargat a partir de las traduccions de mantun logicial liure. Foguèt actualitzat aqueste estiu de 2022 e conten ara 162 322 entradas. Foguèt pensat per servir de memòrias de traduccion pels que reviran de logicials en occitan.
- Details
Speechbrain ven de publicar un modèle d'identificacion de la lenga parlada, VoxLingua107 ECAPA-TDNN, qu'intègra l'occitan. Foguèt entraïnat a partir de donadas collectadas automaticament sus Youtube e reconeis 107 lengas, dont l'occitan, lo breton, lo catalan e lo basque
- Details
Se volètz « occitanizar » vòstras URL abracadas, podètz utilizar lo novèl otís prepausat pel Congrès. Abrac.at es un abracaire d'URL tot en occitan : l'interfàcia es dins aquela lenga e l'adreça de l'abracaire, « abrac.at », es tanben un mot occitan.
- Details
La primièra sintèsi vocala occitana ven d'espelir. Se sona Votz e foguèt fargada pel Congrès e Elhuyar dins l'encastre del projècte Linguatec. Fonciona per las varietats gascona e lengadociana de l'occitan.
