Trobaretz aquí una lista de projèctes qu'an besonh de collaboracions. Se cercatz de tascas mai permanentas, podètz visitar nòstra pagina Cossí far ?. Se volètz ajustar vòstre projècte a aquesta lista, podètz anar veire la pagina « Ai un projècte ».
- Details
Minecraft es un jòc video de la mena aventura « bac a sable » qu'es fòrça presat pels adolescents. Es en partida revirat en occitan (lengadocian) mas o es pas qu'a mitat, doncas quand s'i jòga en occitan, i a una part dels messatges que son en anglés. Podètz ajudar a completar la revirada, qu'aver aquel jòc video tot en occitan seriá fòrça bon per la socializacion de la lenga.
- Details
Lo grop SoGeL de l'Universitat de Lhèida, Lo Congrès e Col·lectivaT an obèrt, dins l'encastre del projècte Linguatec IA, d'òbras per desvolopar la reconeissença vocala en occitan aranés. Çò mai auràn d'enregistraments de personas diferentas, çò mai l'otis final serà qualitatiu. Fan doncas una crida al monde per enregistrar de frasas, quand seriá pas que qualques unas.
- Details
Lo Congrès que hè ua crida a còrpus, mei que mei per las varietats aranesa, auvernhata, lemosina, provençau e vivaro-aupenca de l'occitan. Si avètz tèxtes, matèria audio (transcriuta o pas), vidèos en occitan e qu'ètz proprietari deus dreits, que'us i podetz har passar. Que servirà a entraïnar intelligéncias artificialas entà utís com la reconeishença vocau.
