Lo grop SoGeL de l'Universitat de Lhèida, Lo Congrès e Col·lectivaT an obèrt, dins l'encastre del projècte Linguatec IA, d'òbras per desvolopar la reconeissença vocala en occitan aranés. Çò mai auràn d'enregistraments de personas diferentas, çò mai l'otis final serà qualitatiu. Fan doncas una crida al monde per enregistrar de frasas, quand seriá pas que qualques unas.

La reconeissença vocala fonciona sus la basa d'una intelligéncia artificiala. Aquesta es noirida amb de donadas, a partir de las qualas « aprendrà » a transcriure la votz en tèxte. Per que l'otís foncione amb una granda varietat de personas (òmes e femnas, enfants e adultes...), lo cal entraïnar amb d'enregistraments audios faits per de personas de tot edat e genre, dins de condicions diferentas (bruch de fons o pas, telefonet o microfòne...).

Se volètz ajudar a bastir aquel otís, podètz anar enregistrar de frasas sus Mozilla Common Voice. Vos cal primièr crear un compte. Puèi anatz a l'adreça commonvoice.mozilla.org/oc/speak per enregistrar de frasas.

Se sètz un ensenhaire e que volètz far contribuir vòstres escolans, podètz utilizar l'otís ReVoc classas. Vos permetrà de crear un sol compte amb mantun perfil correspondent a mantun escolan. Se vos interèssa, avètz quitament d'idèas d'activitats dins una ficha pedagogica dedicada.

Se ne volètz saber mai sul foncionament de la reconeissença vocala e sas utilizacions, podètz legir lo dossièr de premsa del projècte ReVoc.

Se avètz una question sus la contribucion a Mozilla Common Voice o a ReVoc classas, podètz mandar un corric a .