Aleksandra Miletic e Yves Scherrer, del departament de las umanitats numericas de l'Universitat d'Helsinki, venon de metre en linha OcWikiDisc, un còrpus monolingüe occitan fargat a partir de las paginas de discussion de la Wikipèdia. Es amb la licéncia CC-BY-SA.
Conten los messatges postats pels utilizators de l'enciclopèdia occitana quand discutan a prepaus del contengut de las paginas de Wikipèdia, completats amb de metadonadas. Los autors an utilizat un otís de deteccion automatica de lenga per filtrar lo contengut qu'èra pas en occitan.
I a 4 versions del còrpus, que la mens completa conten 8 000 messatges de 520 utilizators correspondent a 618 000 tokens.
