Cada còp que visitatz un site web, vòstre navigator li envia una lista de paramètres. Un d'eles es vòstra preferéncia lingüistica. Definís, entre autras causas, la lenga dins la quala s'aficharà un site bilingüe. Lo site mejans.fr vos prepausa un otís per verificar la preferéncia lingüistica de Firefox, Chrome e Internet Explorer.

Se l'occitan fa pas partida de vòstras preferéncias, vos indica cossí l'ajustar. Atal, quand un site a una version en occitan, es la que vòstre navigator aficharà per defauta quand lo visitaretz.

Descobrissètz l'otís e lo mòde d'emplec a l'adreça : www.mejans.fr/aisinas/verificador.