La Fondacion Wikimedia es l'organisme qu'edita la Wikipèdia, Wikidata, lo Wikiccionari e mantun autre otís. Sa mission es « balhar al monde l'enveja e los mejans d'amassar e desvolopar de ressorsas educativas, amb una licéncia liura o dins lo domeni public, per las difusar dins lo monde tot ».
Sos otisses son primordials per las lengas pauc dotadas. Per d'unas lengas, lo Wiktionary es lo sol diccionari numeric qu'existís, e lo còrpus de la Wikipedia es utilizat per de nombrosas lengas pauc dotadas que vòlon desvolopar d'otisses dins lo domeni del TAL.
En privilegiant lo trabalh collaboratiu per de milions de contributors, las licéncias obèrtas e la mutualizacion de mejans, la Fondacion Wikimedia, atal coma totes los que contribuisson a sos otisses, permeton a las lengas qu'an pauc de mejans de se dotar dels que li fan mestièr.
