Demest los lexics flexionals de l'occitan, podèm notar los del traductor automatic Apertium, los fargats dins l'encastre del projècte Lexics del Congrès, lo diccionari collaboratiu Dicollecte, lo conjugador de Verbix e lo de Per Noste. De notar tanben lo lexic Loflòc en trabalh, una òbra de CLLE e del Congrès.

Lo Wikiccionari es un diccionari monolingüe que prepausa de definicions, de flexions, de còps de traduccions, de sinonimes e de variantas, e tanben d'autras informacions (etimologia, exemples...). Mas es pensat per una lectura umana e es pas forçadament de bon utilizar per las maquinas, quitament se se pòt interrogar amb una API.

Enfin, lo diccionari monolingüe de Cantalausa existís en version numerica, mas es a l'origina un diccionari papièr pas formatat pel tractament automatic.