La sola basa de coneissença sus la quala l'occitan se pòt apuejar pel moment es Wikidata, la basa de coneissença liura e collaborativa de la fondacion Wikimedia. Compta quasi 100 milions de concèptes e aqueles pòdon aver de labèls en occitan.

Causa interessanta, Wikidata permet d'enregistrar de donadas lexicograficas. S'i pòdon recensar de lexèmas que pòdon puèi èstre ligats als concèptes que representan. Lo Congrès a aviat un programa per versar de lexèmas occitans a Wikidata, que poiràn èstre ligats a lors concèptes. Atal, Wikidata poirà èstre utilizada, per exemple, per far d'analisi semantica.