DiViTal a per tòca d'aumentar la vitalitat e la visibilitat de l'alsacian, del còrse, del peitavin-santongés e de l'occitan. Es a la crosada de la lingüistica descriptiva e de la lingüistica de còrpus. Sa tòca primièra es la constitucion de ressorsas, mai que mai de còrpus textuals bruts e annotats.

A mantun objectiu :

• bastir de còrpus monolingües dins de genres pròches o que transcrivon la lenga orala
• desvolopar de còrpus annotats dins l'encastre de las « Universal dependencies »
• produsir de descripcions completas e actualizadas e de formalizacions lingüisticas a partir de còrpus
• sensibilizar la comunautat del TAL a las problematicas de las lengas pas estandardizadas e a la necessitat de préner en compte la variacion dins los sistèmas de TAL
• partatjar e transferir las experiéncias e los otisses entre las lengas del projècte e explorar los metòdes de transferiment tecnologic

I participan los laboratòris CLLE, FoReLLIS, LiLPa e LISA.