Linguatec es un projècte europèu transfrontalièr POCTEFA de desvolopament de las ressorsas e dels otisses numerics per las lengas dels Pirenèus. L'objectiu n'es, per la cooperacion transfrontalièra e lo transferiment de tecnologias, de desvolopar e difusar de ressorsas e aplicacions lingüisticas innovantas per l'occitan, l'aragonés e lo basco.
Ne fan partida Lo Congrès, CLLE, Euskaltzaindia, la fondacion Elhuyar e la SLU. L'Ofici public de la lenga occitana e lo CIRDOC son sòcis associats del projècte.
Dins aquel encastre foguèron realizats lo traductor automatic Revirada, la sintèsi vocala Votz e mantuna ressorsas, coma lo Linguatec Tolosa Treebank o los lexics monolingües e los lexics bilingües necessaris a la bastison del traductor.
