Aure Séguier es responsabla del pòle TAL e desvolopaira al Congrès. Es tanben contributora als diferents portals de la fondacion Wikimedia.

Dins l'encastre de son emplec al Congrès, foguèt responsabla del desvolopament traductor automatic Revirada e del projècte Lèxics. Faguèt tanben de desvolopaments pels projèctes Còrpus, Votz (sintèsi vocala), ReVoc (reconeissença vocala), pels clavièrs predictius e correctors ortografics Dicodòc. Se pòt notar, per exemple, lo fonetizaire occitan realizat dins l'encastre de Votz. Gerís tanben lo contengut del multidiccionari en linha Dicodòc e de mantun portal o site web del Congrès, dont La Farga.

Pendent sos lésers, es contributora a Wikimedia Commons e Wikidata amb lo pseudo Unuaiga e vèrsa de contengut ligat a la cultura occitana dins aqueles portals. De faiçon mai ponctuala, contribuís tanben a Wikipèdia, Lingua Libre, Wikiccionari e OpenStreetMap. Trabalha sul ligam entre los otisses de Wikimedia e los utilizators, a l'encòp en incitant a la contribucion (talhièrs de formacion, site wikimedioc.com, tutorials) e en sensibilizant a la reutilizacion possibla dels contenguts (trabalh a partir de las diferentas API dels otisses de Wikimedia, sites explicatius coma photos-occitan.com...). Revira tanben en occitan lo webcomic opensource Pepper&Carrot.

Sos domenis de competéncia màgers son :

• la constitucion de donadas de TAL (lexics e còrpus)
• lo formatatge, la generacion e la transformacion de lexics (manualament o de faiçon automatizada)
• lo contengut occitan dins los otisses liures e los diferents biaisses de lo tornar utilizar
• la vision d'ensemble del domeni del TAL occitan
• lo desvolopament web e mobile

La podètz trobar sus Linkedin o la contactar al Congrès ().