Philippe Boula de Mareüil es director de recèrca pel CNRS al dintre del grop « Tractament del lengatge parlat » del laboratòri LIMSI. Abans aquò, foguèt enhenhaire de recèrca en lingüistica computacionala e tractament de la paraula a Elan TTS ont trabalhèt al desvolopament de sistèmas de sintèsi vocala.
Coma director de recèrca responsable del tèma « Percepcion e tractament automatic de la variacion dins la paraula », s'interèssa a las diferéncias d'accents, d'estiles dins lo lengatge parlat. Trabalha tanben sus la prosodia e a sa modelizacion.
Son percors lo menèt a obrar sus de tematicas variadas del TAL : sintèsi vocala, identificacion de las lengas e de lors varietats, tractament de còrpus audio, tokenizacion, analisi mofosintaxica, transcripcion fonetica... Per çò qu'es de l'occitan, participèt al desvolopament de la sintèsi vocala Votz del Congrès e es co-autor de l'Atlas sonòre de las lengas regionalas de França.
Es tanben relector per de revistas internacionalas e sòci de mantun comitat scientific, balha de corses dins d'unas universitats e fa lo consultant per de projèctes de TAL.
Pertocant sos lésers, es un afogat de viatges e s'es ja passejat dins mai de 100 païses.
Sos domenis de competéncia màger son :
- Lo lengatge parlat e sas variacions
- Lo desvolopament de sintèsis vocalas
- Lo tractament de la paraula
- La prosodia e sa modelizacion
- La gestion de la varietat orala
- La gestion de ressorsas lingüisticas
Ne podètz saber mai sus sa pagina sul site de LIMSI.
Fòto : Lucyin.
