Clamença Poujade es doctoranta a l'Universitat de Tolosa Joan Jaures dins lo laboratòri CLLE. Son trabalh pòrta sus l'anotacion automatica de còrpus escriuts monolingües d'occitan modèrne.

Se concentra particularament sus l'anotacion automatica de la natura e de la flexion morfologica dels mots. S'interèssa tanben a la question de la lemmatizacion automatica dels tèxtes.

Dins aquel trabalh de tèsi poguèt bastir d'otisses d'anotacion automatics qu'utilizan de vectors de mots e l'arquitectura de rets neuronalas. Ensaja, amb aquela tèsi, de melhorar los otisses per que la variacion presenta en occitan siá pas pus un problèma pel TAL, que siá de variacion lingüistica o de variacion grafica.

Sos domenis de competéncia màgers son :

• la constitucion de còrpus escriuts monolingües e de còrpus orals
• l'anotacion de la natura e la morfologia dels mots dins de còrpus escriuts (manualament o automaticament)
• l'utilizacion d'otisses de rets neuronalas e de vectorizacion de mots
• la coneissença de la morfologia e de la flexion verbala
• lo tractament automatic de la variacion grafica e lingüsitica