Juòccitan es un repertòri git per centralizar totas las traduccions de jòcs videos en occitan e per i collaborar. Recensa los supòrts de revirada existents e albèrga los fichièrs pels jòcs qu'an pas encara de supòrt.
Dins la racina del repertòri, lo fichièr lista-reviradas-defòra.md recensa totes los projèctes de traduccions que son exteriors a Juòccitan. A costat, de repertòris pròpres a cada jòc albèrgan las traduccions en cors.
Per i participar, vos cal crear un compte git.exarius.org e trabalhar coma sus un repertòri git ordinari. Podètz tanben dobrir lo fichièr lista-reviradas-defòra.md e seguir las informacions pròprias a las plataformas qu'albèrgan cada traduccion.
