Lo Congrès presentèt lo 14 d'octobre son novèl traductor automatic, Revirada. Fonciona dins los sens occitan-francés e francés-occitan per las varietats gascona e lengadociana. Permet la traduccion de tèxtes, de documents, de paginas web e a tanben una API a disposicion dels desvolopaires.
A mai, se pòdon teledescargar d'extensions per Firefox e Chrome e un module Wordpress. Enfin, existís una aplicacion pels telefonets Android e iPhone.
Sus la pagina d'arcuelh de Revirada, una seccion « Webmasters e desvolopaires » explica totes los biaisses qu'an los programaires de beneficiar d'aquel otís.
Revirada foguèt bastida sus la basa del traductor automatic liure Apertium, en l'enriquesissent dels diccionaris del Dicodòc. Elhuyar ne desvolopèt l'interfàcia web e l'API.
