Lo traductor automatic occitan qu'a servit de basa a la màger part dels autres es lo traductor liure Apertium. Es a partir d'aquel que foguèron bastit Revirada del Congrès (en partenariat amb Elhuyar), lo de Softcatalà, lo de la Generalitat de Catalunya e lo d'Opentrad.

Pel moment, cobrisson los parelhs occitan-francés, occitan-catalan e occitan-espanhòl.

Lo traducteur multilingue MinT de la fondacion Wikimedia intègra l'occitan e a de resultats onorables en occitan, de cap a e a partir de nombrosas autras lengas. Google Translate pren tanben en carga l'occitan. Çaquelà, permeton pas de gerir la varietat e produsisson mai que mai de lengadocian.

Se pòt notar tanben un ensag de traductor automatic occitan-anglés de Baidu basat sus l'intelligéncia artificiala, mas fonciona pas completament.

I a tanben de modèles, pre-entraïnats o pas, meses a disposicion amb una licéncia obèrta per de grands actors del TAL multilingüe.