Florence Marcouyre es lexicografa al Congrès. Pendent son temps liure, es tanben granda contributora al Wikiccionari occitan e al Wiktionnaire francés.

Dins l'encastre de son trabalh, es en carga del vèrb'Òc, lo conjugator de vèrbes. Aquel foguèt a la basa dels lexics de formas flechidas del Congrès que serviguèron a bastir los clavièrs predictius e correctors ortografics Dicodòc, atal coma del traductor automatic Revirada. Sus aquel otís, a tanben portat son expertisa lexicografica per çò que tòca a la gestion de la varietat intradialectala de l'occitan.

Participèt a l'elaboracion del Basic, lo diccionari francés-occitan del Congrès, atal coma a mantun lexic especializat.

Sos domenis de competéncia màgers son :

• las conjugasons de l'occitan
• la varietat interdialectala e intradialectala de l'occitan
• la gestion de l'ortografia
• l'equilibri entre qualitat de la lenga e constrentas tecnicas ligadas a l'informatic
• la formalizacion de règlas de gramaticas en las adaptant a las constrentas informaticas

La podètz trobar sus Linkedin o la contactar al Congrès ().