Igor Leturia es responsable de las tecnologias vocalas al departament recèrca e desvolopament en tecnologias de la lenga (Orai) d'Elhuyar.

Dins aquel encastre, trabalhèt a mantun projècte de TAL occitan del Congrès, coma la fuèlha de rota pel numeric occitan, la sintèsi vocala occitana Votz, lo projècte ReVoc de reconeissença vocala, la primièra version del projècte Còrpus e los clavièrs predictius Dicodòc.

Obtenguèt un diplòma d'engenhaire en electronica e informatica a las universitats de Mondragon e Paul Sabatier (Tolosa) e un doctorat en tecnologias de la lenga a l'Universitat del País Basco. Escriu d'articles sus l'informatica e lo TAL dins lo magazine Elhuyar e per d'autras revistas.

A costat d'aquò, es un passionat de benda dessenhada e òbra a la difusion de BD en basc, sus son blòg e endacòm mai.

Sos domenis de competéncia màger son :

• La bastison de còrpus, manualament o a partir d'Internet
• La reconeissença vocala
• La sintèsi vocala
• L'integracion de sistèmas
• Lo desvolopament web

Lo podètz trobar sus LinkedIn, Google Scholar, ResearchGate o lo contactar a Orai (). Sa pagina GitHub es github.com/e-gor.