La cooperativa Col·lectivaT a iniciat eth projècte Araina de creacion d'un còrpus de la paraula entà l'occitan aranés, damb l'objectiu de desvolopar ua reconeishença automatica de votz entà aquera varietat.
Er objectiu que perseguís Araina ei eth d'arribar a crear un registre collectiu de votzes en aranés entà transferir-lo as naues tecnologies e qu'aguestes poguen dar era opcion dera expression en aranés e atau, se ne divulgue e se coneishe era lengua per tot eth camp tecnologic e virtuau que mos entornege.
Eth Projècte Araina s'impulsec pera cooperativa Col·lectivaT damb era collaboracion der recercaire dera Universitat de Lhèida, Jordi Suïls Subirà e dera recercaira Helena Torres Purroy, membres deth Conselh Consultatiu der Aranés. Totun, era iniciatiua siguec subvencionada peth Departament de Cultura dera Generalitat de Catalonha en encastre des « Subvencions entà promòir era coneishença e er usatge der occitan, aranés en Aran, en Catalonha » e arrecep eth sosten deth Conselh Generau d'Aran, Lo Congrès e era fondacion Mozilla.
