Col·lectivaT es una cooperativa de trabalhadors a but non lucratiu basada de Barcelona, compausada de professionals eissits de l'immigracion, que s'especializa dins la recèrca sociala, los servicis lingüistics e las tecnologias de la lenga. Sa mission es de far de produits, d'otisses e de ressorsas de coneissenças lingüisticas, tecnologicas e sociala accessibles a las personas e a las comunautats marginalizadas.
L'axe tecnologic de Col·lectivaT sosten aquela mission en desvolopant de tecnologias de TAL, dont la reconeissença vocala, la sintèsi vocala e la traduccion automatica per de lengas jos-representadas dins lo païsatge numeric. An trabalhat sus de lengas minoritàrias coma lo catalan, lo tamazight, lo judeo-espanhòl, lo galician e l'occitan aranés.
Es un actor màger del projècte Araina per constituir un còrpus de la paraula per l'occitan aranés e participa a Linguatec AI, dins l'encastre del qual ajuda tornamai a la constitucion de còrpus, e tanben al tractament de donadas dins la mira de produsir una sintèsi vocala e una reconeissença vocala per l'occitan aranés.
