Softcatalà a dobèrt lo projècte d'un traductor automatic occitan - catalan per malhums neuronals. Dins aquel encastre, a fargat mantuna ressorsa que met a la disposicion de la comunautat.

Prepausa primièr una basa de còrpus parallèles del catalan de cap a mantuna lenga, dont l'occitan lengadocian. A tanben mes jos licéncia liura los modèles neuronals qu'a entraïnat per fargar son traductor. Aquí tanben, trobam lo parelh catalan - occitan lengadocian.

Softcatalà a ja un traductor automatic occitan - catalan, mas èra basat sus Apertium, que fonciona a basa de règlas. Trabalha ara a crear un traductor neuronal per aquel parelh de lengas mercés al transferiment de coneissença dels modèles publicats per Meta com dins l'encastre del projècte No Language Left Behind.

⇒ Ne saber mai sul projècte de Softcatalà
⇒ Véser los còrpus liures
⇒ Véser los modèles neuronals