Podètz contribuir als diferents otisses de la fondacion Wikimedia, quitament se avètz pas un grand nivèl en informatic. Aquò crearà de contengut que serà fòrça preciós pels actors del tractament automatic del lengatge.

I a mantuna causa a faire, que son mai o mens longas, e que demandan mai o mens de competéncias en informatica o en lenga : recensar quicòm dins Wikidata, escriure d'articles dins la Wikipèdia o tot simplament los illustrar, ajustar un mot dins lo Wikiccionari o ne completar un amb una illustracion, ajustar de fotografias a Wikimedia Commons...

Lo site wikimedioc.com fa una lista de tascas que se pòdon far, en indicant a cada còp lo temps que pren e lo nivèl que i a besonh en occitan e en informatica. Podètz atal causir l'activitat mai adaptada a vòstras competéncias e a vòstras disponibilitats.