La Fondacion Elhuyar es una organizacion privada a but non lucratiu, que trabalhèt primièr a la difusion de la lenga basca e que uèi, en mai, ajuda de partenaris a recercar de solucions innovantas per respondre als desfises de la mondialisacion. Dins aquel encastre, ajuda l'occitan a se dotar dels otisses de TAL que n'a besonh.
Intervenguèt per partatjar son experiéncia quand se faguèt la fuèlha de rota pel desvolopament del numeric occitan. Participèt a mantun trabalh de bastison de ressorsas o d'otisses de TAL occitan en partenariat amb Lo Congrès : constitucion del primièr còrpus monolingüe bastit pel TAL, realizacion de la partida technica dels clavièrs predictius e dels correctors ortografics Dicodòc.
Foguèt sòci del projècte Linguatec e fa partida de Linguatec AI. Dins aquel encastre, bastiguèt l'interfàcia en linha e las extensions del traductor Revirada, entraïnèt l'intelligéncia artificiala de la sintèsi vocala Votz e ne desvolopèt los produits associats (barra de navigator, plug-in per CMS)
Son ara a bastir un otís de reconeissença vocala per l'occitan, a partir de las donadas del projècte Còrpus del Congrès, dins l'encastre del projècte ReVoc.
