Un primièr motor de reconeissença vocala (occitan gascon e occitan lengadocian) es estat desvolopat pel Congrès e Elhuyar dins l'encastre del projècte ReVoc, mas l'otís a pas per ara d'interfàcia utilizator. Lo projècte Linguatec AI a per tòca de ne crear una e d'ajustar l'occitan aranés a las varietats presas en carga.

Per fin d'aumentar los còrpus de la paraula necessaris, Lo Congrès a mes en linha una plataforma d'enregistrament contributiu de frasas. Per çò qu'es de l'occitan aranés Araina, un projècte de constitucion de còrpus de la paraula a travèrs l'otís Mozilla Common Voice es estat aviat per matun collaborator. Servirà a alimentar la reconeissença vocala aranesa fargada per Col·lectivaT, SoGeL, Lo Congrès e Elhuyar dins l'encastre de Linguatec AI.