Myriam Bras es professora de linguistica al departament de Sciéncias del Lengatge de l’Universitat Tolosa Joan Jaurés e cercaira al laboratòri CLLE ont es co-responsabla de la còla « Lengas e Lengatges » e del grop de recèrca OCRE. Sos domènis de recèrca van de la semantica del temps a l'analisi del discors a l'interfàcia semantica-pragmatica, en francés e en occitan, en passent pel desvolopament de resorsas per la linguistica occitana.
A coordonat las còlas occitanas de mantunes projèctes (RESTAURE, LINGUATEC, PARCOLAF, DIVITAL, LINGUATEC-IA) qu'an permés de bastir la basa textuala BaTelÒc, lo lexic de formas flechidas Loflòc, los primièrs còrpus occitans annotats en partidas del discors e en dependéncias sintaxicas, de formar de cercairas en tractament automatic de l'occitan, Marianne Vergez-Couret, Aleksandra Miletic, Clamença Poujade e de far dintrar de tèxtes occitans dins la basa multilingua ParCoLab.
Sos domenis de competéncia màgers en TAL son :
- La constitucion de còrpus textuals (monolingües e bilingües)
- L'annotacion de còrpus textuals
- La constitucion de lexics monolingües
- Lo desvolopament d'otisses d'annotacion de còrpus
