Softcatalà a dobèrt lo projècte d'un traductor automatic occitan - catalan per malhums neuronals. Dins aquel encastre, a fargat mantuna ressorsa que met a la disposicion de la comunautat.
La cooperativa Col·lectivaT a iniciat eth projècte Araina de creacion d'un còrpus de la paraula entà l'occitan aranés, damb l'objectiu de desvolopar ua reconeishença automatica de votz entà aquera varietat.
L'Institut Aranés ven de dobrir un servidor Mastodon pels occitanofònes a l'adreça occitania.social. I podètz escambiar en occitan sus totes los subjèctes. A mai, coma l'interfàcia foguèt revirada en occitan per de benevòles, podètz beneficiar d'una experiéncia completament immersiva.
Dins sa darrièra actualizacion, lo traductor automatic open source Apertium ajustèt l'occitan gascon dins las varietats suportadas pel parelh occitan-francés. Lo trabalh sus aquela varietat se faguèt dins l'encastre de la bastison del traductor Revirada del Congrès.
Lo Congrès presentèt lo 14 d'octobre son novèl traductor automatic, Revirada. Fonciona dins los sens occitan-francés e francés-occitan per las varietats gascona e lengadociana. Permet la traduccion de tèxtes, de documents, de paginas web e a tanben una API a disposicion dels desvolopaires.
Vos prepausam una lista de depausses GitHub, GitLab e Framagit utiles pels que desvolopan per la lenga occitana. Solide, aquesta lista es pas definitiva e se coneissètz un depaus qu'i es pas recensat, esitatz pas a lo nos far conéisser.
Aleksandra Miletic e Yves Scherrer, del departament de las umanitats numericas de l'Universitat d'Helsinki, venon de metre en linha OcWikiDisc, un còrpus monolingüe occitan fargat a partir de las paginas de discussion de la Wikipèdia. Es amb la licéncia CC-BY-SA.
Lo site mejans.fr met a disposicion un còrpus monolingüe occitan fargat a partir de las traduccions de mantun logicial liure. Foguèt actualitzat aqueste estiu de 2022 e conten ara 162 322 entradas. Foguèt pensat per servir de memòrias de traduccion pels que reviran de logicials en occitan.